Simyone: “Ronaldonu alqışlamaq lazımdır”
13.03.2019 , 11:46
“Atletiko” Madrid klubunun baş məşqçisi Dieqo Simyone Çempionlar Liqasının 1/8 final mərhələsi çərçivəsində “Yuventus”la oynadıqları oyunu şərh edib.
Rəqibi təbrik edən argentinalı mütəxəssis, həmçinin, Ronaldo ilə bağlı xoş sözlər deyib:
“O, dünyanın ən yaxşı futbolçularından biridir. Ronaldo bu cür oyunlarda hər şeyi ortaya qoya bilir. O, mənim 2:0 bitən oyundakı jestimi görmüşdü və xarakter göstərdi, 3 qol vurdu, eyni jesti göstərdi. Alqışlamaq lazımdır”.
Qeyd edək ki, “Atletiko” Madrid ilk görüşdə 2-0 hesabı ilə qalib gəlsə də, cavab qarşılaşmasında 3-0 hesablı qələbə qazanan “Yuventus” 1/4 finala vəsiqə qazanıb.
