.jpg)
Azərbaycanda “Simurq”, “Turan” və “Rəvan”ın şərəfini qorumuş Sergey Artyux Ukrayna mətbuatına müsahibə verib.
– Alçevsk “Stal”ında çıxış etdikdən sonra Azərbaycandan təklif aldınız. Sizi “Simurq”a kim çağırdı?
– Həmin vaxt mənə iş tapmaqda kömək edən adam “Simurq”un baş məşqçisi Roman Pokoraya zəng vurdu. Mütəxəssis mənim baxışa getməyimə icazə verdi. Bir toplanışda iştirak etdikdən sonra klubla müqavilə imzaladım.
– Azərbaycan təmsilçisinin heyətində Avropa Liqasında oynadınız, ölkə çempionatının bürünc mükafatını qazandınız. Həmin dövrü necə dəyərləndirirsiniz?
– Yalnız müsbət qiymət verə bilərəm. Daim əsas heyətdə oynayır, qol vururdum. Düzdür, qollarımın sayı istədiyimi qədər çox deyildi. Lakin mənə güvənirdilər. Bunun sayəsində bürünc mükafatçı oldum, avrokuboklarda oyun təcrübəsi qazandım. Həm də ki, bizim yaxşı futbolçular – Mixail Starostyak, Aleksandr Malıgin, Andrey Nikitin, Vladimir Mazyar, Taras Çopiklə tanış oldum. Onlarla oynamaq çox xoş idi. Bir sözlə, həmin dövrü çox uğurlu sayıram.
– “Simurq”un prezidenti Zaur Məmmədov sizə çox yaxşı münasibət bəsləyirdi. Hətta Ronaldinyonun avtoqrafı olan “Milan” formasını da bağışlamışdı. Həmin hədiyyənin taleyi necə oldu?
– Həmin futbolkanı evimdə saxlayıram. Bu, mənim üçün böyük xatirədir. Əməyimə qiymət verilməsi çox xoş idi.
– Sonra bir müddət Ukraynada oynadıqdan sonra yenidən Azərbaycana qayıtdınız. Bu dəfə o qədər də xoş səyahət olmadı. Sonda əmək haqqınızla bağlı sizə borclu qalmadılar ki?
-Bu dəfə “Turan”dan dəvət gəldi. Onların baş məşqçisi məni “Simurq”dakı çıxışlarımdan tanıyırdı. Məmnuniyyətlə razılaşdım. Buna baxmayaraq, sonadək vicdanla çıxış etdim. Yarım ildən sonra “Rəvan”a keçdim. Düzünü deyim ki, orada işim alınmadı. Maliyyə baxımından hesablaşdıq, lakin sonadək yox.
