"Gələn həftə Rəşad Eyyubovla müqavilə imzalanacaq. Bundan başqa komandada baxışda olan bir futbolçu var ki, bu "Kəpəz"in əvəzedici komandasının üzvü Mehman Məmmədovdur".
Bu sözləri Korner.az-a açıqlamasında "Simurq" klubunun mətbuat katibi Rüstəm Allahverdiyev deyib. Komandaya bir çox legioner futbolçuların baxışa çağırılacağını da deyən Allahverdiyev, onların, komandaya Türkiyədə qoşulacağını bildirib:
"Hal-hazırda komanda gündə iki dəfə "Dalğa-Arena"da məşq prosesi keçir. İyun ayının 22-si futbolçular istirahətə buraxılacaqlar. Ayın 23-ü isə təlim-məşq üçün Kartəpə şəhərinə yollanacaq. Məhz legioner futbolçular da orada komandaya qoşulacaq. Burada yoldaşlıq görüşləri nəzərdə tutulub. Lakin rəqiblər hələ məlum deyil. Komandalarla danışıqlar gedir".
Sonda klub rəsmisi legioner futbolçuların müxtəlif ölkələrdən Estoniya, Brazilya, Gürcistandan olduğunu sözlərinə əlavə edib.