.jpg)
Azərbaycan Premyer Liqasının XV turu çərçivəsində səfərdə "Sumqayıt"ın qonağı olacaq "Simurq" bu oyunun məşqlərini davam etdirir.
Korner.az-ın klubun rəsmi saytına istinadən verdiyi məlumata görə, Mehdi Hüseynzadə adına Sumqayıt şəhər stadionunda məşqə çıxan Georgi Çixradzenin komandası tam heyətlə "Sumqayıt"la oyuna hazırlaşıb.
Bir saata yaxın davam edən məşq prosesində gürcü mütəxəssis futbolçularını o qədər də çox yormayıb. İsinmə hərəkətlərindən sonra, dar alanda ötürmələr üzərində çalışan "Simurq", iki tərəfli oyun və qapıya zərbələrlə hazırlıqları tamamlayıb. Bundan sonra istirahətə çəkilən komanda qarşılaşmanın start fitini gözləməyə başlayıb.
Qeyd edək ki, "Sumqayıt" – "Simurq" oyunu bu gün, saat 14:00-da başlayacaq.
