Türkiyədə təlim-məşq toplanışında olan "Simurq" bu gün sonuncu yoxlama matçına çıxacaq. Korner.az-ın məlumatına görə, Zaqatala təmsilçisinin sonuncu rəqibi İranın “Paykan” klubu olacaq. Bakı vaxtı ilə saat 14:00-da başlayacaq matç “Simurq”un məskunlaşdığı “Green Park” otelinin meydançasında keçiriləcək.
Qeyd edək ki, “Simurq” Kartepedeki hazırlıq dövründə artıq iki yoldaşlıq görüşü keçirib. Bu qarşılaşmalarda Georgi Çixradzenin yetirmələri “Kocaelispor”u 4:2 hesabı ilə məğlub edib, “Spartak” (Naliçik) ilə oyun isə 1:1 hesablı heç-heçə ilə yekunlaşıb.
