2012/13-cü il mövsümünə hazırlıq çərçivəsində Avstriyada təlim-məşq toplanışında olan "Simurq" hazırlıqları tamamlamaq üzrədir.
Korner.az-ın klubun rısmi saytına istinadən verdiyi məlumata görə, son məşqlərinə çıxan komanda səhər idmanını isinmə və qısa ötürmələrdən ibarət çalışma ilə başlayıb. Sonra isə baş məşqçi Georgi Çixradzenin rəhbərliyi altında taktiki tapşırıqları yerinə yetirilib.
Komandann axşam məşqidə qısa isinmə hərəkətlərindən sonra futbolçular fiziki hazırlıq üzrə məşqçi Aleksandr Karakliçin rəhbərliyi altında hazırlığı davam etdirib. Sonda isə ikitərli oyunla məşq tamamlanıb. Bu günkü hazırlıq da klub rəhbərliyi tərəfindən izlənilib.
Qeyd edək ki, "Simurq" Avstriyada sonuncu yoldaşlıq görüşünə çıxacaq. Əvvəlcədən komandanın rəqibinin "Kayserispor" olacağı bildirilsə də, təşkilatçılar tərəfindən proqramda dəyişiklik edilib. Belə ki, sarı-qaralar sabah Bakı vaxtı ilə 20:00-da başqa Superliqa təmsilçisi "Qaziantepspor"la üz-üzə gələcək. Bu matçla "Simurq" Avstriyadakı təlim-məşq toplanışın başa vuracaq və bir gün sonra ölkəyə qayıdacaq.
