“Simurq” loqotipini dəyişir

“Simurq” öz loqosunda dəyişiklik etmək qərarına gəlib. 

Korner.az-ın məlumatına görə, bu barədə Zaqatala klubunun rəsmi saytı məlumat yayıb.

Bölgə təmsilçisi bununla bağlı müsabiqə elan edib. Loqo hazırlamağı bacaran hər bir kəs 11 iyun 2013-cü ilə qədər öz əl işlərini “Simurq”a təqdim edə bilər. Qalib seçilən şəxs klub tərəfindən pul mükafatı əldə edəcək.

Göndərilən loqolarda simurq quşunun eskizi, qala, o cümlədən Zaqatala, “Simurq” və klubun yaranma tarixinin qeyd edilməsi mütləqdi.