Premyer Liqanın XXVII turunda "İnter"in qonağı olacaq "Simurq" qarşılaşmanın keçiriləcəyi "Şəfa" stadionunda məşqə çıxıb.
Korner.az–ın məlumatına görə, hazırlıqlarını paytaxtda tamamlayan komanda qaçış və isinmə hərəkətlərindən sonra fiziki hazırlıq üzrə məşqçi Aleksandr Karakliçin rəhbərliyi ilə müxtəlif tapşırıqları yerinə yetirib.
Daha sonra isə Georgi Çixradzenin yetirmələri taktiki çalışmalara keçib. Qısa ötürmələr və "kvadrat"la tapşırıqları tamamlayan futbolçular ikitərəfli oyunla hazırlıqları bitirərək istirahətə çəkilib.
Paytaxt təmsilçisi ilə görüş öncəsi komandanın heyətində zədəli və cəzalı futbolçu yoxdu.
