.jpg)
DÇ-2014-ün seçmə mərhələsinin oyunları ilə əlaqədar Topaz Premyer Liqada yaranmış fasilədən istifadə edərək Gürcüstana yollanan "Simurq" dünən yoldaşlıq görüşünə çıxıb.
Korner.az-ın klubun rəsmi saytına istinadən yaydığı xəbərə görə, rəqib, Qori şəhərinin təmsilçisi "Dila" klubu olub. Sona qədər üstün oyun nümayiş etdirən "sarı-qaralar" qarşılaşmadan qalib ayrılıb. Zaqatala təmsilçisinin qolunu oyunun 14-cü dəqiqəsində cərimə zərbəsindən Marçin Burxardt vurub. Bundan sonra da qarşılaşmada hesabı artırmaq üçün qol şansları yaransa da, təmsilçimiz bundan yararlana bilməyib və matç bu hesabla başa çatıb.
Qeyd edək ki, "Simurq" sabah Zaqatalaya qayıdacaq və Topaz Premyer Liqasının növbəti turuna hazırlıqları doğma arenada davam etdirəcək. Komandanın rəqibi aprelin 30-da "Bakı" klubu olacaq.
