Növbəti mövsüm üçün iddialı heyət qurmağı planlaşdıran "Simurq" bir neçə futbolçusu ilə də müqavilələrinin müddətini artırmaqda davam edir. Korner.az-ın məlumatına görə, Qərib İbrahimovdan sonra Zaqatala təmsilçisi Rasim Ramaldanovla yeni razılaşmanı rəsmiləşdirib. Mərkəz müdafiəçisi daha 1 il "Simurq"un kapitan sarğısını daşıyacaq.
Qeyd edək ki, 2008-ci ildən Zaqatala təmsilçisinin formasını geyinən Rasim Ramaldanov ötən mövsüm 24 qarşılaşmada forma geyinib və 2 dəfə rəqib qapıçılarını məyus edib.