Premyer Liqanın II turu çərçivəsində "Bakı"nın qonağı olacaq "Simurq" klubu qarşılaşmanın keçiriləcəyi meydanda son məşqinə çıxıb.
Korner.az-ın klubun rəsmi saytına istinadən verdiyi məlumata görə, bir saata yaxın davam edən hazırlıq isinmə hərəkətləri ilə başlayıb.
Sonda isə qısa ötürmələr üzrə tapşırıqlar yerinə yetirilib.
Qeyd edək ki, "Bakı" – "Simurq" oyunu bu gün saat 19:00-da start götürəcək. Rüstəm Abbasovdan başqa hazırda komandanın heyətində zədəli futbolçu yoxdur.
Xatırladak ki, bu dəfə ki matç hər iki kollektivin 13-cü dueli olacaq. "Simurq" paytaxta keçirilən son 3 qarşılaşmanın heç birində "Bakı"ya məğlub olmayıb.