“Simurq” Əzizovun istəyinə mane oldu

"Simurq"a qarşı matçda əvəzetmədən meydana daxil olan Elxan Əzizov klubun rəsmi saytına açıqlamasında meydana çıxarkən Mahmud Qurbanovun ona verdiyi tapşırıqlardan danışıb.

Korner.az-ın məlumatına görə, o, meydanda baş məşqçinin təlimatına uyğun mübarizə apardığını vurğulayıb: "İsinmə hərəkətləri edərkən Mahmud müəllim məni yanına çağırıb, meydana çıxmağımı istədi. O, qabağa oynamağı və rəqib müdafiəçiləri yayındırmaq üçün meydanda tez-tez açılmalı olduğumu bildirdi.

Hücumçuyam, məşqçimiz zaqatalalı arxa xətt oyunçularının yorulmasından yararlanmağı tapşırmışdı. Amma "Simurq" səhvsiz oynadı. Bu üzdən tapşırılanı yerinə yetirmək mümkün olmadı".