Serxio Ramos Jordi Albanın karyerasını bitirməsinə münasibət bildirdi
08.10.2025 , 16:06
“Real” və İspaniya millisinin keçmiş müdafiəçisi Serxio Ramos “Barselona”nın sabiq oyunçusu Jordi Albanın futbolçu karyerasını bitirməsi barədə fikirlərini bölüşüb.
Korner.az xəbər verir ki, hazırda Meksikanın “Monterrey” klubunda çıxış edən Ramos sosial media hesabında yazıb:
“Bir çox xatirələrimiz var və yığmada böyük uğurlar əldə etdik. Sən futbolu dünyanın ən yaxşı sol müdafiəçilərindən biri kimi tərk edirsən. Sənin oyunun üçün həmişə darıxacağıq. Səni qardaşım kimi qucaqlayıram və hər zaman xatırlayacağam.”
Qeyd edək ki, Jordi Alba mövsümün sonunda “İnter Mayami”də çıxışını yekunlaşdıraraq karyerasını bitirəcək.
