Serxio Ramos “Monterrey”dən ayrılır
01.12.2025 , 10:00
Meksikanın “Monterrey” klubunda çıxış edən təcrübəli mərkəz müdafiəçisi Serxio Ramos yenidən Avropada oynamağa hazırlaşır.
Korner.az xarici mediaya istinadən xəbər verir ki, 39 yaşlı futbolçu mövsümün sonunda müddəti bitəcək müqaviləsini uzatmamaq qərarına gəlib və karyerasını Avropada davam etdirmək niyyətindədir. Onun xüsusilə İtaliya A Seriyasında oynamağa maraq göstərdiyi bildirilir. “Yuventus” da daxil olmaqla İtaliyanın bir neçə klubu artıq təcrübəli müdafiəçi ilə əlaqə yaradıb.
Qeyd edək ki, Serxio Ramos bundan əvvəl “Sevilya”, PSJ və “Real Madrid” kimi klubların formasını geyinib.
