Seru Girassi yayda “Mançester Yunayted”ə keçə bilər
24.11.2025 , 21:00
“Mançester Yunayted” Seru Girassini transfer etmək niyyətindədir
Korner.az xəbər verir ki, İngiltərə nəhəngi Dortmund “Borussiya”sının hücumçusu Seru Girassini yay transfer pəncərəsi öncəsi heyətinə qatmaq üçün danışıqları sürətləndirib.
29 yaşlı futbolçu bu mövsüm Bundesliqada göstərdiyi parlaq performansla diqqət çəkir. Ardıcıl matçlarda qol vurması və Dortmundun əsas hücumçularından biri olması, onun Avropanın böyük klublarının hədəfinə düşməsinə səbəb olub.
Futbolçunun transfer qiymətinin təxminən 50 milyon avro olduğu bildirilir. Cari mövsümdə Seru 16 oyunda iştirak edərək 7 qol vurub və 3 məhsuldar ötürmə edib.
