“Şerif” Bakıya qələbə ilə gəlir
27.08.2018 , 13:10
“Qarabağ”ın Avropa Liqasının pley-off mərhələsindəki rəqibi “Şerif” Moldova çempionatında növbəti oyununu keçirib
Tiraspol təmsilçisi 18-ci turda öz meydanında “Dinamo-avto”nu qəbul edib və 2:0 hesablı qələbə qazanıb. “Şerif”in heyətində Alhacı Kamara və Yevgeni Oançea fərqlənib.
Qeyd edək ki, “Şerif” 42 xalla turnir cədvəlinə başçılıq edir.
Xatırladaq ki, ilk oyunda Moldovada “Qarabağ”a 1:0 hesabı ilə qalib gələn “Şerif” avqustun 30-da Bakıda Ağdam təmsilçisi ilə cavab matına çıxacaq.
