Serbiyalı forvard qərar verə bilmir: hansı kluba keçəcək?
17.11.2025 , 13:16
Serbiya millisinin və “Yuventus”un hücumçusu Duşan Vlahoviçin gələcək karyerası ilə bağlı qeyri-müəyyənlik davam edir.
Korner.az “Sky Sport”a istinadən xəbər verir ki, futbolçuya bir neçə klubdan rəsmi təkliflərin gəlməsi onun qərar verməsini çətinləşdirib.
Mənbənin məlumatına görə, PSJ, “Əl-İttihad” və “Fənərbaxça” ilə yanaşı, bir sıra digər klublar da Vlahoviçi transfer etmək niyyətindədir. Lakin ən ciddi namizəd kimi “Nyukasl” göstərilir. İngiltərə təmsilçisinin forvarda ən yüksək maaş təklifi ilə müraciət etdiyi bildirilir.
25 yaşlı futbolçunun mövsümün sonunda məhz “Nyukasl”a keçid edəcəyi ehtimalı daha güclüdür. Qeyd edək ki, Vlahoviç 2022-ci ildən “Yuventus”un formasını geyinir və turin klubu ilə müqaviləsi 30 iyun 2026-cı ilədək qüvvədədir. O, daha əvvəl “Partizan” və “Fiorentina”da da çıxış edib.
