.jpeg)
Avroliqanın qrup mərhələdinfə bu ayın 27-si səfərdə "Partizan"ın qonağı olacaq "Neftçi"ni Serbiyada iki yerli azarkeş qrupu da dəstəkləyəcək. Korner.az-ın məlumatına görə, bu barədə "Novi Pazar" klubunun fan qruplarından biri olan "Torcida Sandzak" fan qrupunun rəhbəri məlumat verib.
"Azərbaycan bizə qardaş ölkədir və xəbərimiz var ki, "Neftçi" burda oynayacaq, amma o ki qaldı dəstəyə, "Torcida Sandzak" fan qrupu yalnız iki kluba azarkeşlik edir – "Novi Pazar" və "Fənərbaxça"ya, biz siyasətə qarışmırı deyə fan qrup rəhbəri bildirib.
Lakin "Novi Pazar" klubunun ən böyük ikinci fan qrupu olan "Ekstremi" "Neftçi"yə dəstək olacaq. Bu barədə fanların rəhbəri Emil Rapoviç saytımıza verdiyi müsahibədə bildirib: "Biz bütün Novi Pazar azarkeşlərini müsəlman komandası olan Neftçiyə dəstək olmağa səsləyirik. Oyuna xüsusi hazırlanmış bannerlərimiz olacaq və sizi inandırıram ki, "Partizan"ı peşman edəcəyik. Qardaş millətin klubuna dəstək olmaq bizim üçün şərəfdir".
