“Bakı”nın sabiq baş məşqçisi Bojidar Mandoviç artıq komandası ilə vidalaşıb.
Korner.az-ın məlumatına görə, serbiyalı mütəxəssis komandadan ayrılmazdan əvvəl “FcBaku TV”yə “Bakı”da keçirdiyi mövsüm haqda təəssüratlarını bölüşüb.
“Burda olduğum müddətdə vaxtımı səmərəli keçirdim. Keçən mövsüm həqiqətən də çətin alındı. Ancaq burda gördüklərim məni həmin çətinliklərə hazırlamışdı. Bütün çətinliklərə baxmayaraq, ili müsbət dəyərləndirə bilərəm. Komanda bir çox aspektdən inkişaf edir. “Bakı” zaman-zaman oyun tərzini dəyişir. Bir neçə qarşılaşmada komanda yaxşı təsir bağışladı. Amma çatışmayan cəhətlər də oldu. Həmin nöqsanları aradan qaldırmaq üçün çox çalışmaq lazımdır”.
Bandoviç bəzi uğurlarından da danışb: “Bakı”nın oyun tərzini dəyişməklə, bir neçə önəmli yeniliklərə nail oduq. Ardıcıl 9 oyunda güclü komandalara məğlub olmadıq. Ümid edirəm ki, komanda bu tərzdə davam edəcək.
Yeni baş məşqçiyə və kluba uğurlar arzulayıram. Əminəm ki, növbəti mövsümdə işlər daha yaxşı gedəcək. Mənimlə bərabər komandanın uğurları üçün çalışan hər bir əməkdaşa təşəkkür edirəm. Klubla artıq vidalaşıram. Mənim üçün əsas qarşılıqlı hörmət və gördüyüm işlərə verilən qiymətdir. Burda çalışıdığım müddətdə öz xarakterimi nümayiş etdirdirib, bütün bacarığımı ortaya qoydum. “Bakı” daima qəlbimdə yaşayacaq. Bunu nə zamansa bura qayıdacağımı güman edib demirəm. Klubdan və mənimlə çalışan insanlardan razıyam. Burda olduğum müddətdə çoxlu dostlar qazandım. Kim bilir, bəlkə gələcəkdə yenə burda çalışdım”.
