“Ötən il Fransa çempionatında yaxşı çıxış etdik. Ümidvaram ki, Avroliqada da belə çıxış edərik”.
Korner.az-ın məlumatına görə, bu ifadələri “Sent-Etyen”in baş məşqçisi Kristof Qaltye işlədib.
Sabah “Qarabağ”a qarşı keçiriləcək oyundan öncə Bakıda mətbuat konfransında matçla bağlı firkilərini yerli jurnalistlərlə bölüşən Qaltye tam heyətlə gəlmədiyini bildirib:
“Zədəli oyunçularımızdan birinin topuğundan problemi var. Digər futbolçularımızın da ayağında zədələr aşkar olunub. Onları oynatmağa risk etmədiyimdən, bura gətirmədim. Başqa futbolçumuz isə ailə səbəbləri üzündən vətənindədir”.
Təcrübəli mütəxəssis sözlərinə belə davam edib: “Qarabağ”ın son oyununu izləmişik. Biz onların bütün avrokubok matçlarına baxmışıq. Onların təcrübəsi bizdən çoxdur. Çünki onlar son illər ölkələrində çox titul qazanıb. Amma biz də bu oyunda çox yaxşı hazırlaşmışıq. Komandamız əla vəziyyətdədir. Əlimizdən gələnin ən yaxşısını etməyə çalışacağıq. ”.
