Ukraynanın “Şaxtyor” klubunun sabiq qapıçısı Anton Kanibolotskinin “Qarabağ”a keçməsini səbəbi müəyyənləşib.
Bu barədə 29 yaşlı qolkiperin meneceri Vadim Şabliy şəxsi “İnstagram” səhifəsində yazıb.
Onun sözlərinə görə, futbolçusu “Şaxtyor”da Andrey Pyatovun əvəzedicisi statusu ilə kifayətlənməməyi qərara alıb: “Anton karyerasında çox maraqlı çağırışı qəbul edib. Onun Azərbaycanın ən güclü klublarından birində sabit oyun praktikası, habelə, Çempionlar Liqasının qrup mərhələsinə düşmək imkanı qazanacağına şübhə etmirəm”.
Qeyd edək ki, Kanibolotski 2012-ci ilin yayında keçdiyi “Şaxtyor”da ötən mövsüm üçüncü qapıçı kimi Ukrayna çempionatının cəmi 1 oyuna çıxıb.
