İngiltərənin “Sauthempton” klubunun yeni baş məşqçisi müəyyənləşib.
Premyer Liqa təmsilçisini yeni mövsümdə Maurisio Pelleqrino çalışdıracaq. Bu barədə klubun rəsmi saytı məlumat yayıb.
45 yaşlı mütəxəssislə 3 illik müqavilə imzalanıb. Pelleqrino ötən mövsüm bu komandanı çalışdırmış Klod Pyueli əvəz edib.
Argentinalı mütəxəssis özü isə son olaraq İspaniyanın “Alaves” klubunu çalışdırıb. Qeyd edək ki, “Sauthempton” Premyer Liqada son mövsümü 8-ci pillədə başa vurub.
