Futbol

“Saqqalım var, sözüm keçir”: maraqlı və qeyri-adi saqqala sahib futbolçular

06.11.2018 , 13:55

Məlumdu ki, saqqalı olan kişilər digərlərindən daha əzmli və ciddi görünür. Yalnız kişiyə məxsus olan bu özəllik (Konçitanı nəzərə almasaq) onların görünüşlərində açıq fərq yaratmağa imkan verir.

Saqqalı kişi orta əsrlərdə qadınları özünə daha çox cəlb edirdi. Məsələn, hamımızın yaxşı tanıdığı ABŞ prezidenti Avram Linkoln də saqqal həvəskarı olub.  Belə bir rəvayət var ki, o, bir gün 12 yaşlı qızdan məktub alır. Məktubda kiçik qızcığazın etirafı qeyd olunmuşdu: “saqqal saxlasanız, size daha çox yaraşar. Qadınlar saqqalı kişiləri xoşlayırlar. Onlar ərlərini məcbur edəcəklər ki, seçkilərdə saqqalı olan namizədlərə səs versin.

Təbii ki, saqqalı sevməyən kişilər də az deyil. Rəvayətə görə, XVII əsrin ortalarında, XIV Ludovik hökmranlığı zamanı ölkədə saqqal qadağası vardı. Daha doğrusu, hökümdarın 15 yaşı var imiş və hələ üzündə bir tük belə yox idi. Ona görə də, şahı təbliğ mənasında kişilər saqqalın qırxmağa başlayıblar.

Müasir futbolda da daha əzmli və özünəməxsus görünüş yaratmaq üçün saqqala müraciət edən futbolçular az deyil. Bu yazıda ən qeyri-adi saqqal və bığa sahib futbolçulardan danışacağıq.

1. Xabi Alonso

Kürən saqqalı onu daha çox intelektual və ağıllı göstərir. Xabinin oyun stili də buna uyğundu. Məhz bu saqqal vasitəsilə o ilk növbətə görünüşündə ağıllı futbolçu obrazı formalaşdırıb.

2. Xerard Pike

Xerard Pikeni sevənlər həmişə onun uşaq kimi göründüyündən şikayətlənirdi. Lakin Pike bu problemin həllini asanlıqla – saqqal buraxmaqla tapdı. Pikenin imicində olan bu dəyişilik onun, necə deyərlər, əsl kişiyə oxşamasına yardım edib. Hər halda Pikenin fanatları belə düşünür.

3. Devid Bekhem

Görünüşlə bağlı reytinqlərin hər birində onun adı qeyd olunmalıdı. Ən azından Bekhemin özü tarixin ən yaraşıqlı və dəbli futbolçusu olmaq üçün dəridən-qabıqdan çıxıb. Karyerası boyunca bütün saç stillərini yoxlayan keçmiş ingilis futbolçu saqqalı da sınamağa qərar verib. Demək olar ki, bu onda elə də pis alınmayıb. Yəqin ki, karyerasının son illərində meydanda onu saqqalsız görən olmaz.

4. Robert Pires

“Arsenal” azarkeşlərinin sevimlisi yuxarıda qeyd etdiyim nüansları alt-üst edir. Hər halda onun saxladığı saqqal əsl kişi obrazı yaratmır. Amma Pires fanatlarının əksəriyyəti onu bu saqqalla sevib.

5. Maykl Ouen

Balaca oğlan uşaqlarının ilk ideal obrazı öz ataları olur. Uşaqlar atalarına oxşamaq üçün müxtəlif yollara əl atır: kostyumlar geyinir, atalar kimi davranır və s. Lakin İngiltərə futbolunun yaddaqalan siması Maykl Ouen bir qədər çox dərinə gedib. O, atasına oxşamaq üçün onun kimi bığ saxlamaq qərarına gəlib.

6. Andrea Pirlo

“Maestro”. Saqqal ona həm oyun tərzi, həm də ciddiliyi baxımından yaraşıb. Düşünmürəm ki, Pirlo saqqal saxlamaq qərarını verəndə bu qədər seviləcəyini hiss etmişdi. Məşhur aktyor Cak Norrisə də bənzədilən Pirlo əzmli görünüşü ilə onu da arxada qoyub desək, yanılmarıq.

7. Olaf Melberq

Saqqal onda əsl cəngavər obrazı yaradıb. Sadəcə çatışmayan bir şey var: bir əlində qılınc digərində qalxan əskikdi.

8. Alan Kork

Bir çox filmlərdə belə bir şablon səhnə var: gecə vaxtı baş qəhrəman təkbaşına küçədə gəzir və onun qarşısına evsiz biri çıxır. Saqqal Alan Korkda həmin evsiz, kimsəsiz insan obrazı yaradıb. “Fulhem” və “Şeffild Yunayted”in keçmiş futbolçusunun bu şəkildə cəmi 34 yaşı var.

9. Arda Turan

Türkiyə futbolunda tarix yazmış Arda Turan saqqalına görə də sevilir. Məşhur “300 spartalı” filmində Leonid obrazı ilə müqayisə olunan Ardanın saqqalını bəyənməyənlər də az deyil.

10. Corc Best

Bestin oynadığı oyuna görə kişi, görünüşünə görə isə qadınlar heyranı idi. Lakin qadınların ona sevgisi saqqal buraxana qədər idi. Saqqalın onda yaratdığı obraz bir qədər fərqlidi. Sanki, evdə doyunca içki içən və üzünü təmizləməyi unudan Best sərxoş halda stadiona gəlir və futbol oynayır. Bəlkə də, bu iddia həqiqətdən uzaq deyil.

 

Son yazılar

Yuxarı