Çempionlar liqası

“Şanslar bərabərdir” – “Kukesi”nin prezidenti

26.07.2018 , 13:48

“Pis nəticə oldu. Əgər 90 dəqiqə ərzində biz daha çox hücum etsəydik, bunu  yaxşı oyun adlandırmaq olardı. Əks-hücumların üzərində çox çalışmalıyıq. Rəqib qapısı qarşısında top bizdə olarkən sakit və dəqiq oynamalıyıq”.

Bu sözləri Çempionlar Liqasının 2-ci təsnifat mərhələsinin “Qarabağ”la ilk oyunundan (0:0) sonra “Kukesi” klubunun prezidenti Safet Qici deyib. S. Qici nəticədən razı qalmasa da, komandasının müdafiədəki çıxışını bəyənib:

“Görünür, baş məşqçi futbolçulara rəqibin qapımıza zərbə vurmaması üçün bütün qüvvə ilə müdafiə olunmağı və onları əks-hücumda yaxalamağı tapşırmışdı. Məncə, rəqibi yaxşı analiz etmişdik və çox da pis oynamadıq. Amma “Qarabağ” mürəkkəb rəqib olsa da, daha çox hücum edəcəyimizi gözləyirdim”.

Cavab matçı barədə də danışan klub prezidenti şansların bərabər olduğunu söyləyib: “Eqoist olmaq istəmirəm. Ancaq düşünürəm ki, indi şanslar 50/50-yədir. Cavab oyununun ilk hissəsində rəqibin təzyiqinə tab gətirib qapımızı toxunulmaz saxlasaq, istəyimizə nail ola bilərik”.

Son yazılar

Yuxarı