İngiltərə Premyer Liqasında mübarizə aparan “Arsenal”ın baş məşqçisi Arsen Venger həftə sonu “Everton”a qarşı keçiriləcək matçdan qabaq təşkil olunan mətbuat konfransında maraqlı açıqlamalar verib.
Korner.az-ın məlumatına görə, Aleksis Sançes və Mesut Özilin son dönəmdəki oyunlarını bəyənən təcrübəli mütəxəssis hər iki futbolçunun komandada qalacağına inanır:
“Komandadan gedəcəkmiş kimi oynamırlar. Özlərini bu komandanın bir parçası kimi hiss edirlər. Ən önəmlisi odur ki, müqavilələrinin bitməsinə hələ var. Məncə, hər iki futbolçu gələn mövsüm burda qalacaq və “Arsenal” forması geyinəcək”.
Qeyd edək ki, “Arsenal” Premyer Liqada sona 1 tur qalmış 72 xalla 5-ci sıradadır.
