Samir Abasov: “Yaxşı olardı ki, udaq”
06.10.2019 , 22:02

Azərbaycan Premyer Liqasının VII turunda “Qəbələ” ilə 1:1 hesablı heç-heçə edən “Zirə”nin baş məşqçisi Samir Abasov mətbuat konfransında fikirlərini bölüşüb.
Korner.az xəbər verir ki, baş məşqçi oyunu belə şərh edib:
“Yaxşı olardı ki, udaq, 3 xalımızı qazanaq. Əfsuslar olsun ki, bu cür həyəcanlı matçda 1 xal qazandıq. Bu cür oyuların aqibəti belə olur. Bir qol buraxırsan, çətin vəziyyətə düşürsən. Hesabı tez bərabərləşdirdik. Qələbə topunu vurmağa 20-25 dəqiqə vaxtımız olsa da, rəqibin həddən çox qapanmağı bizə müdafiəsini yarmağa imkan vermədi. Gücümüz, bacarığımız çatmadı. İlk dövrəni 10 xalla başa vurma istəyiridk. Buna nail olmamağımız üzücü oldu. Xoş odur ki, rəqiblər xal baxımından uzaqlaşmayıb. Ancaq bundan sonra matçlar daha çətin olacaq”.
