“Allah şəhidlərimizə rəhmət etsin və ailələrinə səbr versin. Oyuna gəlincə, istənilən oyunu oynaya bilmədik. Hava şəraiti çox pis idi”.
Korner.az-ın məlumatına görə, bu sözləri “Sumqayıt” baş məşqçisi Samir Abasov Topaz Premyer Liqanın 29-cu turunda evdə “Qəbələ” ilə 1:1 bərabərə qaldıqları oyundan sonra deyib.
Abasov matçın ədalətli nəticəsinin heç-heçə olduğunu bildirib: “Heç-heçə oyunun ədalətli nəticəsi idi. İtirəcəyimiz bir şey yoxdur. Qarşıdakı oyunlarımıza baxmalıyıq”.
– Bu həftə 3 futbolçu ilə yollarınızı ayırdınız. Qarşıdakı günlərdə belə hallar olacaqmı?
– Rəhbərlik nə qədər mənə inanacaqsa, gücümü qoyub, yaxşı komanda qurmağa çalışacam. Yayda böyük dəyişikliklər olacaq.
– Ağabala Ramazanov oyunun gedişində azarkeşi sərt şəkildə söydü. Onun cəzası nə olacaq?
– Ağabala böyük səhv edib. Mütləq cəzalanacaq. Ramazanovun təhqir etdiyi azarkeş bizim ən sadiq azarkeşlərimizdən biridir. Sumqayıtlı olaraq həmin azarkeşdən üzr istəyəcəm. (Qol.Az)
