Samir Abasov rəsmən “Sumqayıt”da
26.09.2022 , 14:38
Samir Abasov “Sumqayıt”ın baş məşqçisi təyin olunub.
Korner.az xəbər verir ki, klub mütəxəssislə müqavilə müddətini artırıb. 44 yaşlı PRO kateqoriyalı çalışdırıcı ilə 2024/25 mövsümünün sonuna qədər sözləşmə imzalanıb.
2011-2014-cü illərdə “Sumqayıt”ın formasını geyinmiş və 2015-2018-ci illərdə də komandanı çalışdırmış Samir Abasov futbolçu karyerası dönəmində “Viləş”, “Şəfa”, “Şahdağ”, “Neftçi”, “Qarabağ”, “Karvan” və “İnter” klublarında da çıxış edib. Abasov məşqçi kimi isə “Zirə” və “Neftçi” klublarında çalışıb. Karyerası ərzində 3 dəfə Azərbaycan çempionluğu yaşamış Samir Abasov 2 dəfə futbolçu kimi, 1 dəfə isə məşqçi kimi bu uğura nail olub.
