Samir Abasov: “Hər şeyi etdik ki, özümüzü çuxura salaq”
02.02.2019 , 19:06
Azərbaycan Premyer Liqasında XV turun “Zirə” – “Sabah” (0:2) oyunundan sonra keçirilən mətbuat konfransında meydan sahiblərinin baş məşqçisi Samir Abasov jurnalistlərin suallarını cavablandırdı.
O, əvvəlcə matç barədə fikirlərini bildirdi…
– Həddən artıq çətin və pis oyun oldu. Ürək açmadı oyunumuz. Özümü zözümüzdən belə şey gözləmirdik. Deməzdim ki, Antalyadakı oyunlar bizi rahatlatmışdı. Öz azakrşelərimizin önündə oynamaq həyəcana səbəb olmuşdu. Matçdan əvvəl futbolçulara demişdim ki, bir nəfər oyundan qopsa, böyük problemlər yaranacaq. İlk hissədə isə 5-6 nəfər oyundan qopmuşdu və hətta ipi qırmışdı. Yeni futbolçulardan da çox şey gözləmirdik. Sadəcə, meydana buraxdıq ki, ab-havanı hiss eləsinlər. Bir az hazır olanlara şans verdik. Bu, ümidlərin kəsiləcəyi oyun idi. Hər şeyi etdik ki, özümüzü çuxura salaq. Rahatçılıq yox idi. Sadəcə, bilmirəm nə baş verdi.
– Bir müddət say üstünlüyünüz olsa da, bundan yararlana biılmədiz. Ümumiyyətlə, komanda tapşırıqlarınızı neçə faiz yerinə yetirdi?
– Sıfır faiz. Hansısa oyunçu bilmədiyim səbəblərdən həyəcanlanırsa, o başa düşmür ki, rəqib azlıqdadı, sadəcə öz ab-havasında qalır. Bu gün bizdə belə oldu.
– Yeni transferlər neçə tura hazır olar?
– 3-4 tur lazımdı.
