Şamaxı şəhər stadionuna media tur
22.04.2022 , 17:42
AFFA-nın təşkilatçılığı ilə idman jurnalistlərinin Şamaxı şəhər stadionuna media turu təşkil olunub.
Korner.az xəbər verir ki, tur çərçivəsində stadiona baxış keçirən media nümayəndələri burada yaradılan şəraitlə tanış olublar. AFFA-nın baş katibinin müavini Kamran Vəliyev stadion barədə məlumat verib, jurnalistlərin suallarını cavablandırıb. Media nümayəndələri daha sonra Şamaxı futbol məktəbinin aşağı yaş qrupundan ibarət komandasının məşqini izləyib.
Şamaxı futbol məktəbinin koordinatoru Vəli Qasımov məktəb barədə məlumat verib. Bildirilib ki, məktəbdə yerli məşqçilər fəaliyyət göstərir. Stadion turunun sonunda xatirə şəkli çəkdirilib. Şamaxıya səfər çərçivəsində AFFA-nın baş katibi Sərxan Hacıyevin iştirakı ilə dəyirmi masa keçirilib, jurnalistləri maraqlandıran məsələlər barədə fikir mübadiləsi aparılıb.
