“Şamaxı” “Kəpəz”lə üz-üzə gələcək
23.06.2025 , 23:40
Yeni mövsümün hazırlıqlarına iyulun 5-də Qəbələ şəhərində start verəcək “Şamaxı”nın yoxlama oyunu keçirəcəyi daha bir rəqib müəyyənləşib.
Korner.az xəbər verir ki, bu barədə klubun mətbuat xidməti məlumat yayıb.
Komanda toplanış zamanı “Kəpəz”lə qarşılaşacaq.
Görüş iyulun 26-sı Qəbələ şəhər stadionunda keçiriləcək.
Qeyd edək ki, “Şamaxı” “Karvan” (21 iyul) və “Qəbələ” (14 iyul) ilə də yoxlama oyununda üz-üzə gələcək.
