Futbol

Şahmat Federasiyasında yeni prezident

26.11.2021 , 14:09

Azərbaycan Şahmat Federasiyasının (AŞF) növbəti hesabat-seçki konfransı keçirilib.

Gənclər və İdman Nazirliyində təşkil edilən tədbirdə Azərbaycan Şahmat Federasiyasının rəhbərliyinə yeni seçkilər keçirilib.

Səsvermə nəticəsində uzun illər AŞF-də vitse-prezident kimi çalışan, həm də Beynəlxalq Şahmat Federasiyasının vitse-prezidenti olan Mahir Məmmədov 4 il müddətinə federasiyanın prezidenti seçilib. O, bu vəzifədə O, Azərbaycan Mərkəzi Bankının sədri Elman Rüstəmovu əvəzləyib.

Faiq Həsənov federasiyanın 1-ci vitse-prezidenti, Seymur Talıbov isə vitse-prezident kimi işini davam etdirəcək. AŞF-nin prezident və vitse-prezidenti həm də İcraiyyə Komitəsinə üzv kimi təsdiqlənib. Eyni zamanda Sərxan Həşimov və beynəlxalq qrossmeyster Cahangir Ağarəhimov İcraiyyə Komitəsinə üzv seçilib.

Azərbaycan Şahmat Federasiyasına 2007-ci ildən Elman Rüstəmov rəhbərlik edirdi.

Son yazılar

Yuxarı