“Həm azarkeşlər, həm də çempionat üçün maraqlı oyun idi. Rəqiblə mübarizə apara, təkbətək epizodlarda onlara qalib gələ bildik”.
Korner.az-ın məlumatına görə, bu sözləri “Kəpəz”in baş məşqçisi Şahin Diniyev Topaz Premyer Liqanın 27-ci turunda “Zirə”yə qalib gəldikləri oyundan sonra (2:0) “CBC Sport” kanalına açıqlamasında deyib.
Komandasının oyunundan razı qaldığını bildirən Ş.Diniyev fikirlərinə belə davam edib: “Deməzdim ki, “Zirə”nin heyətində Nelson Bonillanın olmaması bizə kömək etdi. Hər iki tərəfin heyətlə bağlı problemləri var idi. “Zirə”də Bonilla yox idisə, bizdə də Julien Ebah oynamırdı. Bir də ki, bizim müdafiəçilərimiz istənilən hücumçunun qarşısını kəsmək iqtidarındadır. Hazırda “Qəbələ” ilə aramızda xal fərqi elə də çox deyil. Biz uğurlu çıxışımızı davam etdirməli və əlimizə düşən hər şansdan yararlanmalıyıq”.
