Topaz Premyer Liqasının 16-cı turunda doğma meydanda “Rəvan”ı qəbul edən AZAL Şəhriyar Rəhimovun son dəqiqələrdə vurduğu iki qolla əzmkar qələbə qazanıb və qələbəsizlik seriyasına son qoyub (2:1).
Korner.az oyunsonra məşqçi fikirlərini sizə təqdim edir:
Şahin Diniyev: “AZAL klubunu əzmkar qələbə ilə təbrik edirəm. Öz komandam haqqında heç nə demək istəmirəm. Qələbə istəyi AZAL-da daha çox idi. Qapımıza vurulan birinci qoldan sonra texniki zonanı tərk etmək istəyirdim. Komandanın heyətində oyunun gedişini dəyişəcək, lider futbolçu yoxdur”.
Vaqif Sadıxov: “Bu cür oyunlar istənilən çempionatın bəzəyi ola bilər. “Rəvan” artıq başqa komandadır, oyunun əvvəlkilərdən daha çətin olacağını bilirdik. Komanda sona kimi oynadı, istədiyimiz qolları son dəqiqələrdə vurduq. Hər iki komandanın kifayət qədər problemləri var, qış fasiləsində bunun üzərində işləmək lazımdır. Komandada heç kimi fərqləndirmək istəmirəm”.
