“Bilirsiniz ki, “Neftçi”nin hədəfləri hər zaman böyük olub. Əminəm ki, Kardoso “Neftçi”nin hədəflərinə uyğun futbolçudur”.
Korner.az-ın məlumatına görə, bu sözləri “Neftçi”nin prezidenti Sadıq Sadıqov yeni transferləri – Karlos Alekşandre Kardoso ilə bağlı klubun rəsmi saytına açıqlamasında deyib.
“Ağ-qaralar”ın başqanı komandasının yalnız Kardosonu transfer etməklə kifayətlənməyəcəyini bildirib: “Bu oyunçu həm daxili çempionatda, həm də Çempionlar Liqasında komandamızın gücünə güc qatacaq. Lakin Kardoso ilə kifayətlənmək niyyətində deyilik. Çempionlar Liqasında azarkeşlərimizi sevindirmək və uğurla çıxış etmək üçün heyətimizi daha da gücləndirəcəyik”.
