“Sabah”ın 40-cı səfər qələbəsi
16.12.2024 , 15:37
“Sabah” Azərbaycan çempionatlarında 40-cı səfər qələbəsini qazanıb.
Korner.az xəbər verir ki, Bakı klubu Misli Premyer Liqasının XVII turunda “Araz-Naxçıvan”ı 1:0 hesabı ilə məğlub edib.
Paytaxt təmsilçisi bu yubileyə rəqib meydanlarındakı 97-ci görüşdə nail olub. “Sabah” səfərdə ən azı 40 dəfə qalib gələn 13-cü komandadır.
Qeyd edək ki, “Sabah” ilk uğurunu Premyer Liqadakı debüt matçında əldə edib. 2018-ci il avqustun 12-də “Şamaxı” ilə səfər oyununda 1:0 hesablı qələbə qeydə alınıb.
