“Sabah”dan yeni transfer – Rəsmi
09.07.2024 , 16:07
“Sabah” heyətini yeni futbolçu ilə gücləndirib.
Korner.az klubun saytına istinadən xəbər verir ki, slovakiyalı hücumçu Pavol Şafranko ilə 2 illik müqavilə bağlanıb.
29 yaşlı futbolçu karyerası ərzində Slovakiyanın “Tatran” (2013-2016), “Podbrezova” (2016), “DAC 1904” (2017-2018), Danimarkanın “Olborq” (2019), Şotlandiyanın “Dandi Yunayted” (2018/2019), Rumıniyanın “Şepşi” (2019-2021, 2022-2024) və CAR-ın “Sandauns” (2021-2022) klublarında oynayıb.
Qeyd edək ki, “Sabah” bundan əvvəl Kahim Parris, Coy-Lens Mikels, İvan Lepinitsa, Neqoş Kupusoviçi transfer edib.
