“Sabah”dan yeni transfer
10.08.2024 , 16:34
“Sabah” heyətini yeni futbolçu ilə gücləndirib.
Korner.az xəbər verir ki, bu barədə klubun saytı məlumat yayıb. Paytaxt təmsilçisi braziliyalı müdafiəçi İqor Noqeyra ilə 2 illik müqavilə bağlayıb. Mərkəz müdafiəçisi Portuqaliyanın “Şaveş” klubundan transfer edilib.
Braziliyanın “Fluminense” klubunun yetirməsi olan 29 yaşlı futbolçu karyerası ərzində bu klubla yanaşı, Belçikanın “Gent” (2014-2015), Braziliyanın “Fiqeyrense” (2018), CRB (2019), “Yuventude” (2022), Portuqaliyanın “Jil Visente” (2019-2021), “Santa Klara” (2023), “Şaveş” (2023/2024) və Meksikanın “Mazatlan” (2021-2022) klublarında çıxış edib.
Noqeyra “Sabah”da 14 nömrəli formanı geyinəcək.
Qeyd edək ki, “Sabah” bunadək Kahim Parris, Coy-Lens Mikels, İvan Lepinitsa, Neqoş Kupusoviç və Pavol Şafrankonu transfer edib.
