“Sabah”dan rekord göstərici
07.02.2023 , 10:22
“Sabah” tarixinin yeni rekorduna imza atıb.
Korner.az PFL-ə istinadən xəbər verir ki, Bakı klubu Azərbaycan Premyer Liqasında ardıcıl 4 quru oyun keçirib.
Murad Musayevin yetirmələri mövsümün ilk yarısını “Sumqayıt” üzərində 6:0 hesablı qələbə ilə başa vurub. 2023-cü ildə “Neftçi”ni 2:0, “Qəbələ”ni 3:0, “Səbail”i 4:0 hesabı ilə məğlub edən paytaxt təmsilçisi ardıcıl 4 quru hesablı qələbə qazanıb.
“Sabah” sonuncu dəfə XVII turun 2022-ci il dekabrın 14-də baş tutan matçında “Kəpəz”dən qol buraxıb – 2:2.
Bunadək bakılıların ən uzun quru seriyası 3 oyundan ibarət idi. “Sabah” 4 dəfə belə seriyaya imza atıb.
