“Sabah” Marko Deviçlə yolları ayırdı – RƏSMİ
24.04.2020 , 23:33
“Sabah” hücumçusu Marko Deviçlə yolları ayırdığını açıqlayıb.
Korner.az xəbər verir ki, 36 yaşlı oyunçu koronavirus pandemiyası ilə bağlı xüsusi karantin rejimi tətbiq olunmağa başlayanda klub rəhbərliyinə müraciət edib. O, ölkəsinə, ailəsinin yanına yollanmaq istədiyini bildirib.
Serb əsilli ukraynalı futbolçunun bu istəyinə müsbət cavab verildiyi qeyd edilib. Bildirilib ki, futbolçu ilə klub rəhbərliyi arasında xüsusi karantin rejiminin vaxtı uzadılacağı halda, onun müqaviləsinin uzadılmaması barədə razılaşma olub. Bu razılaşmaya əsasən, artıq Deviçin “Sabah”la müqavilə müddəti başa çatıb.
Klub Marko Deviçə göstərdiyi xidmətlərə görə təşəkkür edib, ona gələcək fəaliyyətində uğurlar arzulayıb.
Deviç daha əvvəl 2018-2019-cu il mövsümündə “Sabah”da çıxış edib. Ötən yay Serbiyanın “Voydovats” klubuna keçən təcrübəli oyunçu cari mövsümün qış fasiləsində yenidən paytaxt təmsilçisinə təmsilçisinə transfer olunub.
