Futbol

“Sabah” himnini təqdim etdi

27.08.2019 , 17:21

Azərbaycan Premyer Liqası təmsilçisi “Sabah” himnini təqdim edib.

Korner.az-ın məlumatına görə, himnin sözləri Elnurə Nağıyeva və Murad Arifə məxsusdur. M.Arif həmçinin himnin musiqisininin də müəllifidir.

HİMN

Hər günün yeni bir sabahı var,
Sənlə başlayır ümidlər
Üfüqündə, işığında toplanmışıq biz
Pərvanətək azarkeşlər !

Bizi yormaz yağan leysan kimi yağış
İzindəyik hər boran-qış
Ürəklərdə tez-tez döyünürsən sən
Nəbzimizdir Sənə alqış

Nəqarət:
Biz olsaq da, ah, olmasaq da
Sabah olsun, qoy, Sabah olsun!
Qalib sən olsan da, olmasan da
Vurduğun hər qol – qəlbimizə yol!

Bu oyun içində minbir həyəcan
Hər anın öz ləzzəti!
Sabah hər qolunu vurduğu zaman
Coşduracaq milləti!

Azarkeş usanmadan dəstək olacaq
Alqışlar sevincə qarışar!
Və Sabah oyunda tarix yazacaq
Sabaha qələbə yaraşar!

Nəqarət:
Biz olsaq da, ah, olmasaq da
Sabah olsun, qoy, Sabah olsun!
Qalib sən olsan da, olmasan da
Vurduğun hər qol – qəlbimizə yol!

Son yazılar

Yuxarı