Sabah Bakıda ilk dəfə olaraq «Formula-1»in hazırkı çempionu «Red Bull Racing» komandasının RB7 bolidi nümunəvi avtoyürüşlər keçirəcək.
Korner.az xəbər verir ki, avtoyürüşlər Neftçilər prospektində, improvizasiya olunmuş yarış trasında baş tutacaq. Yarış bolidini ən məşhur avtoyürüşçülərdən biri, «Formula-1»in əfsanəsi və «Red Bull Racing» komandasının üzvü Devid Kulthard (David Coulthard) idarə edəcək. Qeyd edək ki, Devid Kulthard bundan öncə «Formula-1»də iştirak edən «Williams» və «McLaren» komandalarının üzvü olub. Adrian Nyuinin bolidlərində Devid Kulthard 13 qran-pri qalibi olub, 62 dəfə podiuma qalxıb. Xatırladaq ki, RB7 – «Formula-1» 2011-ci il mövsümü üçün Adrian Nyuinin rəhbərliyi altında hazırlanan «Red Bull Racing» komandasının yürüş avtomobilidir. «Renault RS27-2011» 2,4 litr mühərriki ilə təchiz edilib. Avtomobil 2,5 saniyə ərzində 100 kilometrədək sürət yığmağa malikdir.
