“Sabah” “Araz-Naxçıvan”a, “Zirə” “Sumqayıt”a qalib gəldi
08.02.2026 , 20:26
Bu gün Azərbaycan Premyer Liqasında 19-cu tura start verilib
Korner.az xəbər verir ki, ilk oyun gününə nəzərdə tutulan matçlar artıq yekunlaşıb.
Əvvəlcə lider “Sabah” “Araz-Naxçıvan”ı qəbul edib. Oyun saat 16:00-da start götürüb. Qarşılaşma “Sabah”ın 4:1 hesablı qələbəsi ilə yekunlaşıb. Bu komandalar arasında ilk dövrədəki oyun 2:2 hesabı ilə başa çatıb.
Günün ikinci matçında “Sumqayıt” “Zirə”ni qəbul edib. Oyunun start fiti saat 18:30-da verilib. Matç “Zirə”nin 3:2 hesablı qələbəsi ilə yekunlaşıb. Komandaların ilk dövrədəki oyununda “Zirə” 1:0 hesabı ilə qalib gəlib.
8 fevral
18:30. “Sumqayıt” – “Zirə” – 2:3
Qol: Davit Volkov, 24 (0:1), Nikola Ninkoviç, 26 (1:1), Qismət Alıyev, 36 (1:2), Aleksandr Ramalinqom, 50 (2:2), Giorgi Papunaşvili, 88 (2:3)
Hakimlər: İnqilab Məmmədov, Rahil Ramazanov, Teymur Teymurov, Alik Yunusov
VAR: Rauf Cabarov
AVAR: Kamran Əliyev
Mehdi Hüseynzadə adına Sumqayıt şəhər stadionu
16:00. “Sabah” – “Araz-Naxçıvan” – 4:1
Qol: Umarali Raxmonaliyev, 9-pen. (1:0), Aron Maluda, 11 (2:0), Xəyal Əliyev, 16 (3:0), Xəyal Əliyev, 68 (4:0), Felipe Santos, 86 (4:1)
Hakimlər: Tural Qurbanov, Asiman Əzizli, Müslüm Əliyev, Əli Əliyev
VAR: Rəvan Həmzəzadə
AVAR: Emin Əliyev
“Bank Respublika Arena”
