“Sabah” 50-yə çatdı – mövsümdə ilk
14.09.2020 , 16:45
Azərbaycan Premyer Liqasının 2020/21 mövsümündə ilk böyükhesablı nəticə qeydə alınıb.
Korner.az xəbər verir ki, bu, II turun son görüşünə təsadüf edib. “Sabah” “Qəbələ”yə qarşı ev oyununda 3 cavabsız qol vurub.
Bu görüş paytaxt təmsilçisinin Premyer Liqada 50-ci matçı olub. 2018/19 mövsümündə 28, ötən çempionat 20 görüşə çıxan bakılılar 2-ci turda 50-yə çatıb. “Sabah” bu matçlarda 13 qələbə qazanıb, 12 heç-heçə edib və 25 dəfə uduzub.
Coşqun Diniyevin “Qəbələ”nin qapısından keçirdiyi top paytaxt təmsilçisinin Premnyer Liqada yubiley – 40-cı qolu olub. Hesabında 42 top olan bakılılar 70 qol buraxıb.
