Şərurda boks üzrə rayon birinciliyi
08.03.2023 , 12:06
Naxçıvan MR Gənclər və İdman İdarəsi və Təhsil Şöbəsi birgə təşkilatçılığı ilə 5 Mart-Bədən Tərbiyəsi və İdman Gününə həsr olunmuş yeniyetmələr arasında boks üzrə Şərur rayon birinciliyi keçirilib.
Korner.az xəbər verir ki, birinciliyin məqsədi idmançılar arasında dostluq əlaqələrinin gücləndirilməsi, boks idman növünün yeniyetmələr arasında təbliği, idmançıların yarış bacarıqlarının yüksəldilməsi və asudə vaxtlarının səmərəli təşkilindən ibarət olub.
12 çəki dərəcəsində 36 idmançının iştirak etdiyi birincilikdə Mustafayev Rəhim 25 kq, Cəlal Cabbarov 27 kq, Cəsur Adıyev 30 kq, İsgəndərov Nizam 35 kq, Hüseynov Cəfər 40 kq, Heydərov Mehman 42 kq, Əliyev Eltun 45 kq, Allahverdiyev Turan 48 kq, Mərdalıyev Hüseyn 50 kq, Səfərov Ruhin 60 kq, Məmmədzadə Mahir 65 kq, Əliyev Asiman 70 kq çəki dərəcəsində rəqiblərindən üstün olaraq yarışın qalibi olub. Sonda qaliblərə diplomlar təqdim olunub.
