Bəhram Bağırzadənin “Sən də bu şəhərdə yaşayırsan” adlı sərgisi keçirildi
Korner.az-ın AFFA-ya istinadən verdiyi məlumata görə, 4 may, saat 19:00-da Muzey Mərkəzində “Bakılı oğlanlar” KVN qrupunun tanınmış üzvi Bəhram Bağırzadənin “Sən də bu şəhərdə yaşayırsan” adlı sərgisi keçirilmişdir.
Sərgiyə dəvət alan FİFA U-17 Dünya Çempionatı Azərbaycan 2012-nin Yerli Təşkilat Komitəsi tədbirin qonaqlarına, xüsusilə də uşaqlara dünya çempionatı ilə bağlı hədiyyələr payladılar. Maskotun sərgiyə qatılması qonaqlarda şən əhval-ruhiyyə yaranmasına səbəb oldu. Tədbir boyu Azərbaycanın bir çox tanınmış incəsənət xadimləri maskotumuz Top-top qızla şəkillər çəkdirərək Dünya Çempionatına olan dəstəklərini bildimiş oldular.
Tədbiri açıq elan edən Tahir İmanov dünya çempionatının talismanı barədə məlumat verərək, maskotun adının məhz Bəhram Bağırzadə tərəfindən qoyulduğunu vurğuladı. Tədbir boyu çıxış edən xalq rəssami Sahab Məmmədov, kinorejissor Cəmil Quliyev, bəstəkar Faiq Sücəddinov kimi görkəmli incəsənət xadimləri B. Bağırzadə haqda xoş fikirlərini bildirərək tədbirdən razı qaldıqlarını söyləmişdilər.
Tədbirin sonunda qonaqlar böyük maraqla sərgiyə çıxarılmış karikatur şəkillərə tamaşa etmiş, xoş təəssüratla sərgini tərk etmişdilər.
