AFFA Nizam-İntizam Komitəsi növbəti iclasını keçirib.
Korner.az-ın
məlumatına görə, I Divizon klubları üçün də müəyyən cəzalar tədbiq olunurb.
Qəbul olunan qərarları sizə təqdim edirik:
I Divizionun XIX turunun “Neftçala” – “Ağsu” matçında “Ağsu” klubunun
7 futbolçusu sarı vərəqə ilə cəzalandığı üçün klub 100 manat cərimə olunur.
I Divizionun XIX turunun “Şahdağ” – “Kəpəz” matçında “Şahdağ”
klubunun 5 futbolçusu sarı vərəqə ilə cəzalandığı üçün klub 100 manat cərimə
olunur.
I Divizionun XIX turunun “Rəvan” – “Bakılı” matçının 78-ci
dəqiqəsində “Bakılı” klubunun 5 №-li futbolçusu Nahid Mehrəliyev hakimi
təhqir etdiyinə görə birbaşa qırmızı vərəqə alaraq meydandan kənarlaşdırıldığı
üçün 4 oyun cəzalanır, klub 400 manat cərimə olunur.
I divizionun XIX turunun “Turan-Tovuz” – “Şəmkir” matçında
“Turan-Tovuz” klubunun 5 futbolçusu sarı vərəqə ilə cəzalandığı üçün klub 100
manat cərimə olunur.
Oyunun 68-ci dəqiqəsində
“Şəmkir” klubunun 10 №-li futbolçusu Orxan Müzəffərli idmançıya
yaraşmayan hərəkətə görə ikinci sarı vərəqə alaraq meydandan kənarlaşdırıldığı
üçün 1 oyun cəzalanır, klub 20 manat cərimə olunur.
Oyun başa çatdıqdan sonra “Şəmkir” klubunun həkimi Abdulla Sadıqov
geniş kütlə qarşısında hakimlər briqadasın təhqir etdiyinə görə 10 oyun
cəzalanır, klub 2000 manat cərimə olunur.