“Səbail”in son sınağı
01.07.2019 , 12:24
Avropa Liqasında çıxış edəcək “Səbail” bu gün Bolqarıstandakı təlim-məşq toplanışı çərçivəsində sonuncu – dördüncü yoxlama oyununu keçirəcək.
Korner.az-ın məlumatına görə, paytaxt təmsilçisi Şimali Makedoniyanın “Makedoniya GP” klubu ilə üz-üzə gələcək. Oyun Bakı vaxtı ilə 19:30-da start götürəcək.
Qeyd edək ki, “Səbail” toplanış zamanı Bolqarıstan təmsilçiləri – Plovdiv “Lokomotiv”i (0:1) və “Beroe”yə (0:4) uduzub, Rumıniyanın “Klinçeni” klubu ilə qolsuz heç-heçə edib.
