“Səbail”də növbəti ayrılıq – RƏSMİ
14.01.2020 , 20:44
“Səbail” daha bir futbolçusu ilə yollarını ayırıb.
Korner.az xəbər verir ki, paytaxt klubu ukraynalı müdafiəçisi İqor Korotetskiylə vidalaşıb.
Bu barədə klubun mətbuat xidməti məlumat yayıb. Bildirilir ki, Korotetski klub ilə müqaviləsinə vaxtından əvvəl xitam verilməsinə dair qarşılıqlı razılıq əldə edib.
Futbolçuya azad agent statusu verilib. “Səbail” Korotetskiyə klub kollektivi adından təşəkkür edib, gələcək karyerasında uğurlar arzulayıb.
Xatırladaq ki, futbolçu 2018-ci ildə azad agent kimi “Səbail”ə transfer olunmuşdu.
