Azərbaycan teleməkanının populyar futbol verilişi "TOP-TOP" aprelin 12-də yeni studiyada növbəti dəfə futbolsevərlərin görüşünə gəlib.
Korner.az-ın məlumatına görə, aparıcı Araz Əhmədovun bu dəfəki qonaqları "Əlincə" klubunun böyük məşqçisi Vasif Haqverdiyev, "İnter" PİK-in məşqçi seleksiyaçısı Zaur İsmayılov və "Qəbələ" klubunun seleksiya qrupunun rəhbəri Böyükağa Ağayev olub.
Uşaq futbolunun müzakirə edildiyi proqramda qonaqlar uşaq futbolunda olan problemlərdən və onların həlli yollarından danışıb. Gənc azərbaycanlı futbolçuların mentalitetindən bəhs edən mütəxəssislər, xaricdə futbolçu karyerası qurmaq üçün lazım olan keyfiyyətlərdən danışıblar.
